ရွှေစည်းခုံ တီတော် ( ပုဂံ ) သမိုင်း
ရွှေစည်းခုံ စေတီတော် သည် ညောင်ဦးမြို့ မှ အနောက် တောင် ယွန်းယွန်း၊ မိုင်ဝက် ခန့် ဧရာဝတီ မြစ် ကမ်းနဖူးရှိ ပေ ( ၇၅၀ )ကျော်ခန့် ရှည်လျား ကျယ်ဝန်း သော မဟာရံ တံတိုင်းကြီး နှင့် ဉာဏ်တော်ပေ ( ၁၆၀ )၊ ဖိနပ်တော် အကျယ်ပေ ( ၁၆၀ )ပမာဏ ရှိကာ ရွှေရောင် ၀င်းလျက် တင့်တယ် ကြည်ညို ဖွယ် တည်ရှိ လေသည်။ ပုဂံမင်း နှစ်ပါး တည်ခဲ့ ပြီး၊ သိမှတ်ဖွယ် ရာ၊ အံ့ဘွယ်များ ကြောင့် အထူး ကျော်ကြား သည်။
သမိုင်း
ပုဂံ ပြည့်ရှင် သီရိအနုရုဒ္ဓဒေ၀ ခေါ် အနော်ရထာ မင်း လက်ထက်တွင် သီဟိုဠ်ကျွန်း၏ ဘုရင် ပထမ ၀ိဇယဗာဟု မင်းကြီး၏ အကူအညီတောင်းခြင်းကြောင့် ရဟန်း သံဃာတော်များ၊ ပိဋကတ်သုံးပုံကျမ်းစာများနှင့် ဆင်ဖြူတော် တစ်စီး တို့ကို အကူအညီ ပေးခဲ့သည်။ ပထမ ၀ိဇယဗာဟုမင်းကလည်း အနော်ရထာမင်း၏ ကျေးဇူးကို တုံ့ပြန်သောအားဖြင့် မြတ်စွာဘုရား၏ စွယ်တော်ပွားကို အနော်ရထာမင်းထံ ဓမ္မ လက်ဆောင် ပြန်လည် ပေးပို့ ခဲ့သည်။ အနော်ရထာမင်းကြီးသည် စွယ်တော်မြတ်ကို နန်းတော်ရှေ့  ရတနာပြဿာဒ်တွင် ကိန်းဝပ်စေပြီး ပူဇော် ၀တ်ပြု ခဲ့သည်။ ထိုအခါ မင်းဆရာ ဖြစ်သော ရှင်အရဟံ မထေရ်က သတ္တ၀ါအားလုံး ကိုးကွယ်နိုင်စေရန် စေတီ တည်ပါ ဟု မင်းကြီးအား အကြံဥာဏ် ပေးခဲ့သည်။ အနော်ရထာမင်းလည်း ရှင်အရဟံ မထေရ်၏ အကြံဥာဏ် မှာ အလွန်လျှော်ကန် သင့်မြတ်သည့်အတွက် စေတီတည် ၍ တည်ထားကိုးကွယ်ရန် ဆောင်ရွက်ခဲ့သည်။ မင်းကြီး သည် စွယ်တော် ကိန်းဝပ်လိုသော အရပ်တွင် ဆင်ဖြူတော် ရပ်စေသတည်း ဟု အဓိဌာန်၍ ဆင်ဖြူတော်၏ ကိုယ် ပေါ်တွင် စွယ်တော် ကြုတ်တင်၍ လွှတ်လိုက်လေသည်။ ဆင်ဖြူတော်သည် ပုဂံ၏ အရှေ့ မြောက်အရပ် ( ဇေယျဘုံ ဟု ခေါ်တွင်သော အောင်မြေ အရပ်၌ ) သဲစည်းခုံတွင် ၀ပ်လေသည်။ ဆင်ဖြူတော်ဝပ်ရာ သဲစည်းခုံတွင် စွယ်တော် မြတ်ကို ဌာပနာထားပြီ စေတီ တည်တော်မူသည်။ ကောဇာ သက္ကရာဇ် ၄၂၁ - ခု၊ တပို့တွဲ လဆန်း ( ၁၀ ) ရက်၊ ကြာသပတေးနေ့တွင် စတင် တည်ဆောက်ခဲ့ပြီး တရုတ် ပြည်မှ ရသော မြဆင်းတု တစ်ဆူ နှင့် သရေ ခေတ္တရာ ပြည်ရှိ ဒွတ္တပေါင် မင်းကြီး တည်ထား ကိုးကွယ် ခဲ့သော နဖူး သင်းကျစ်တော် တစ်ဆူ ကိုလည်း ဌာပနာ ထားသည်။ ဘုရားတည်နေတုန်း ပစ္စယာ ၃ ဆင့် အရောက်တွင်ပင် အနော်ရထာမင်း နတ်ရွာစံ( သေဆုံး ) ခဲ့သည်။ အနော်ရထာမင်း နတ်ရွာစံ ပြီးနောက် ကျန်စစ်သားမင်းက ကောဇာသက္ကရာဇ် ၄၅၁ - ခု၊ တန်ဆောင်မုန်း လဆန်း ( ၁၃ ) ရက်၊ ဗုဒ္ဓဟူးနေ့ တွင် ဆက်လက် တည်ဆောက် ခဲ့ရာ ကောဇာ သက္ကရာဇ် ၄၅၂ - ခု၊ ကဆုန် လပြည့်နေ့ တွင် ပြီးမြောက် အောင်မြင်ခဲ့သည်။ စေတီတော်ကြီး တည်ဆောက်ခဲ့သည့် နှစ်မှ ပြီးစီးသည့်နှစ် အထိ နှစ်ပေါင်း ၃၁ - နှစ် ကြာ၏။
စေတီတည်ထားပုံ
ရွှေစည်းခုံ စေတီတော် ကြီး သည် မူလက ကျောက်ချပ် များ ဖြင့် တည်ဆောက်ထားခြင်း ဖြစ်သည်။ သို့သော် ယနေ့အခါ ရွှေ အထပ်ထပ် ချသောကြောင့် မူလ ကျောက်ပြားများ ပျောက်နေပြီး ရွှေတောင်ကြီး သဖွယ် ဖြစ်နေသည်။ ပစ္စယာ အဆင့် ၃ ဆင့်ရှိသည် သုံးဆင့် အပေါ်မှ ရှစ်ထောင့် ကြာဝန်း၊ ကြေးဝိုင်း၊ ကြာမှောက် ကြာလှန် နှင့် ခါးပတ် ရှိသည်။ ယင်း အထက်တွင် ခေါင်းလောင်းပုံ၊ ခေါင်းလောင်းပုံ၏ အထက်တွင် သပိတ် မှောက်နှင့် ဖောင်းရစ် ရှိသည်။ ဖောင်းရစ် အထက် ကြာစိတ်၊ ကြာမှောက်၊ ကြာပျံ နှင့် ထီးတော် ရှိသည်။ ပစ္စယာ အဆင့်မှ ထီးတော် အထိ ပေ ၁၅၀ မြင့် သည်။ ပစ္စယာ အဆင့်ဆင့် တွင် ငါးရာ့ ငါးဆယ် ဇာတ်တော် ရုပ်ကြွ အုပ်ချပ် များ ရှိသည်။
ရင်ပြင်တော်
စေတီ၏ လေးဘက်လေးတန်၌ အုတ် ဂန္ဓကုဋီ လေးဆောင် ရှိသည်။ ယင်း ဂန္ဓ ကုဋီ တိုက်များ အတွင်း၌ အလွန် လက်ရာမြောက်သော မတ်ရပ် ကြေးဆင်းတု တစ်ဆူစီ ရှိသည်။ ဥာဏ်တော် ၁၂ ပေ မြင့် သည့် ပုဂံခေတ် လက်ရာ ဖြစ်သည်။ မူလက ဂန္ဓကုဋီတိုက် တံခါးများ ရှိသော်လည်း ယခုအခါ ၁ ခုသာ ကျန်တော့ သည်။ ရင်ပြင်တော် အနောက်ဘက်ပိုင်းတွင် နတ်ရုပ်တု၊ ဘိုးတော် ရုပ်တု၊ သိကြား ရုပ်တု စသည်များ လည်း သူ့ အဆောင်နှင့် သူ ရှိသည်။ ရင်ပြင်တော် အရှေ့ မြောက်ထောင့် တွင် ကျောက်စာရုံ ရှိသည်။ ကျောက်စာရုံ ထဲတွင် ခေတ် အဆက်ဆက် မှ ရေးထိုး ထားခဲ့သည့် ကျောက်စာများထဲမှ ကျောက်စာ ၆ ချပ် ကို သိမ်းဆည်း ထားသည်။ ကျန်းစစ်သားမင်းကြီး၏ ကျောက်စာတိုင်ကြီး ၂ တိုင် သည် အရှေ့ ဘက်မုခ်တွင် ရှိသည်။ ရှေးမွန် ဘာသာ ဖြင့် ရေးထိုးထားသည်။ ရွှေစည်းခုံစေတီ ရင်ပြင်ရှိ အုတ်ဇရပ် အတွင်းရှိ ပုဂံခေတ်က ထုလုပ်ခဲ့သည့် ဗုဒ္ဓ ခြေတော်ရာ၊ သစ်သား ပန်းပု သိကြား ရုပ် နှင့် သစ်သား ပန်းပု တံခါးရွက် တို့ကို လေ့လာနိုင်သည်။ ရွှေစည်းခုံ စေတီ ပန္နက် ရိုက်ရာ၌ အခြေပြုသည့် ပန္နက်သဲဂူ၊ အုတ်ဇလားဂူ တို့လည်း ရှိသည်။
သိမှတ်ဖွယ်ရာ
ဟံသာဝတီ ဘုရင့်နောင် ကျော်ထင်နော်ရထာ အေဒီ ( ၁၅၅၀ - ၁၅၈၁ ) သည် ရွှေစည်းခုံ စေတီကို ရွှေသင်္ကန်း ကပ်လှူ ခဲ့ပြီး ထို အကြောင်း ကို ( ၂၃ ) မေ၊ ( ၁၅၅၇ ) က လှူခဲ့ သည့် ( ၂၁၀၀ ) ပိဿာ၊ ( ၃ . ၁၈ ) တန်ရှိ ကုသိုလ် တော် ခေါင်းလောင်းစာတွင် ဖော်ပြခဲ့သည်။
ကုန်းဘောင် ခေတ် ဆင်ဖြူ ရှင်မင်း အေဒီ ( ၁၇၆၃ - ၁၇၇၆ ) သည် ( ၃၀ ) မေ၊ ( ၁၇၆၈ ) တွင် ရွှေစည်းခုံ စေတီကို ထီးတော်တင်ပြီး ၄င်း၏ အလှူဒါနကို ရေးထိုး ထားသည့် မော်ကွန်းကျောက်စာ ရှိသည်။
အံ့ဘွယ်ကိုးပါး
ရွှေစည်းခုံ စေတီ သည် အတွင်း အံ့ ကိုးပါး၊ အပြင် အံ့ ကိုးပါးနှင့် ပြည့်စုံသည် ဟု ယုံကြည်ကြသည်။
အတွင်းအံ့ကိုးပါး
( ၁ ) ထီးတော် အလွန်ကြီးသော်လည်း သံကြိုး မဆိုင်း ရခြင်း၊
( ၂ ) စေတီ၏ အရိပ် သည် မည်သည့် အချိန်တွင်မဆို တံတိုင်း အပြင်သို့ မရောက် ခြင်း။
( ၃ ) စေတီ၏ ထိပ်မှ ရွှေစက္ကူ ပစ်ချလျှင် တံတိုင်း အပြင်သို့ မရောက်ခြင်း။
( ၄ ) စေတီ ၏ မဟာရံ တံတိုင်းအတွင်း လူမည်မျှ များများ ပြည့်ကျပ် မနေခြင်း။
( ၅ ) တန်ဆောင်မုန်း လပြည့်ပွဲတော်တွင် ပထမ သပိတ်တော်၌ မည်သူမျှ ဆွမ်းဦး မတင်နိုင်ခြင်း။
( ၆ ) အဝေးက ကြည့်လျှင် ကုန်း၊ အတွင်းမှ ကြည့်လျှင် ကျင်းသဖွယ် ထင်ရခြင်း။
( ၇ ) စေတီ၏တစ်ဖက်မှ တီးသောစည်သံကို အခြား တစ်ဖက်မှ မကြားရခြင်း။
( ၈ ) မိုးသည်းထန်စွာ ရွာသော်လည်း စေတီရင်ပြင်၌ ရေမတင်ခြင်း။
( ၉ ) စေတီတော် အရှေ့ တောင်ထောင့်ရှိ ခရေပင်သည် ၁၂ ရာသီ ပွင့်ခြင်း တို့ ဖြစ်သည်။
အပြင် အံ့ဘွယ် ကိုးပါး
( ၁ ) ဧရာဝတီ မြစ်ကမ်းစပ် ရေစီး အတွင်း စွယ်တော် တင်လာ သည့် ဆင်ဖြူတော် ၀ပ်သည့် နေရာ သောင် ဖြစ်လာခြင်း။
( ၂ ) ထို သဲသောင်တို့သည် ကျောက်ဖြစ်လာခြင်း။
( ၃ ) ဧရာဝတီ မြစ်ရေသည် စေတီတော်ကို ဦးခိုက် ရစ်ဝဲ စီးဆင်းခြင်း။
( ၄ ) မဟာရံ တံတိုင်း သည် ရှစ်ပယ် ( ၁၄ . ၁၆ ) ဧက ကျယ်ဝန်းခြင်း။
( ၅ ) စေတီတည်ရာတွင် တုရင်တောင်မှ ကျောက်များ ကို ပုဂံ ပြည်သူ တို့ လက်ဆင့်ကမ်း သယ်ခြင်း။
( ၆ ) ကျောက်သယ်ယူသူများ အရိပ်ရရန် မန်ကျည်းပင် များ ချက်ခြင်းပေါက်ခြင်း။
( ၇ ) ကျောက်သယ်အပြီး မန်ကျည်းပင်များ ပျောက် ခြင်း။
( ၈ ) ရွှေစည်းခုံ စေတီ အရှေ့မျက်နှာ စာ လှေကား အနီးရှိ ရေမှန် အတွင်း ၌ စေတီ အရိပ် ထင်ခြင်း။
( ၉ ) စေတီ ကို အဝေးမှ ကြည့်ပါက ကုန်းမြင့် ပေါ်တွင် တည်ထား သည် ဟု ထင်ရခြင်း တို့ ဖြစ်သည် ။
ထို့ အတွက် ကြောင့် ရှေးမှ ယနေ့ တိုင် အစဉ် အဆက် မှတ်ခဲ့ ကြသည် မှာ - တန်ခိုး မှာ ရွှေစည်းခုံ၊ အနု မှာ အာနန္ဒာ၊ ထု မှာ ဓမ္မရံ၊ အမြင့် မှာ သဗ္ဗေညု ဟူ၍ ဖြစ် သည်။
မြန်မာနိုင်ငံ မှ ဘုရားများ သမိုင်း အကျဉ်း
Credit - ဇင်ထွန်းကျော်
Photos - internet
No comments:
Post a Comment